Connect with us

Warar

Rag Dhac u geestay shirkadda isgaarsiinta Hormuud oo maanta la xukumay.(Sawirro)

Published

on

Maxkamadda Ciidamada Qalabka Sida ayaa ku dhawaaqday dacwada xukun ciqaabeedkii loo heystay eedeysanayasha kala ah Dable Xoogga C/kariim Muuse Muxudiin 22-jira,dable Xoogga Aweys Faarax Maxamuud 21 –jir ah iyo Maxamuud Cali Maxamed oo maqane ah.

Saddexdaan eedeysane ayaa loo heystaa dhac burcadnimo hubeysan ah oo ay tiro labo jeer u geysteen Laamaha Shirkadda Hormuud ay ku kala leedahay deegaanka Kaabo-godeey ee degmada Wadajir iyo deegaanka Tareedisho oo ah halka loo yaqaano KM13 ee duleedka magaalada Muqdisho.

Maxkamada Ciidamada Qalabka sida ayaa eedeysanayaasha waxay ku xukuntay min shan sano oo xabsi ciidan ah iyo iney bixiyaan dhammaan lacagihii ay ka dhaceen Labada Xarumood ee Shirkadda Hormuud ee dhaca u geysteen,iyadoona Maxkamadda ay la wareegtay Hubkii ay dhaca ku geysteen,waxaana Xukunka ku dhawaaqay Guddoomiyaha Darajada Koowaad ee Ciidamada Qalabka sida Gaashaanle sare Xasan Cali Nuur Shuute.

“Maxkamada Ciidamada Qalabka sida waxay ku dhawaaqeysaa dacwad ciqaabeedkii loo heystay eedeysanayaasha kala ah Dable Xoogga C/kariim Muuse Muxudiin 22-jira,dable Xoogga Aweys Faarax Maxamuud 21 –jir ah iyo Maxamuud Cali Maxamed oo maqane ah,kuwaasi oo xafiiska Xeer ilaalinta Ciidamada Qalabka sida ku soo eedeeyay danbiga ah Burcadnimo hubeysan,iyagoo tiro labo jeer ah dhac hubeysan u geysteen Shirkadda Hormuud Taariikhda markey ahayd 2/6/2018-ka waxay dhac u geysteen laanta shirkadda Hormuud ee Kaabo-godeey degmada Wadajir iyagoo ka qaatay Lacag dhan 10,874-dollar,sidoo kale 7/7/2018ka,waxay ka dhaceen Laanta shirkadda Hormuud KM13 deegaanka garasbaaleey lacag dhan 2,000 oo dollar,waxayna Ciidamada Amniga ku soo qabteen 1,500 oo dollar qeyb ka ah lacagtii ay ka dhaceen shirkadda Hormuud,” ayuu yiri Guddoomiye Shuute.

Eedeysanayaasha ayaa Maxkamadda horteeda ka qirtay danbiga ay galeen,waxana Xukunka eedeysanayaashan ku dhacay ka mid ah in gabi ahaanba laga saaray ka mid ahaanshihoodii Ciidamada Xoogga dalka,waxayna Maxkamada la wareegtay Hubkii ay ku fuliyeen falka dhaca ah.

Warar

Guddoomiyaha Gobolka ayaa cambaareyey falalka lagu bartilmaamsado shaqaalaha gargaarka

Published

on

Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) ayaa ugu baaqay Qaramada Midoobey in ay kaalinteeda ka qaadato qorsheyaasha dib u dajinta loogu sameynayo barakacayaasha ku dhaqan Gobolka.

Guddoomiyaha ayaa hadal jeedintiisa ku aaddanayd Maalinta Caalamiga ah ee Gargaarka Bani’aadannimo waxa uu kaga warbixiyey dadaallada joogtada ah ee Maamulka Gobolku uu ugu jiro xallinta dhibaatooyinka Bani’aadannimo ee ay la nool yihiin barakacaayasha ku dhaqan Gobolka Banaadir.

“Gobolka Banaadir waxaa ku nool in ka badan 500,000 oo barakacayaal ah, waana deegaanka ugu badan Soomaaliya ee barakacayaal ay ku nool yihiin. Marti gelinta tirada intaas le eg waxa ay u baahantahay dadaal joogta ah iyo wada shaqeyn buuxda oo ka dhaxeysa Hay’adaha Gargaarka Caalamiga ah, Dawladda Dhexe iyo Maamulka Gobolka.”

Eng.Yarisow ayaa cambaareyey falalka lagu bartilmaamsado shaqaalaha gargaarka, maadama ay wakhtigooda iyo nolashoodaba u hibeeyeen gurmadka dadka dhibaateysan.

Guddoomiyaha ayaa ku baaqay in si deg deg ah lagu siidaayo kalkaaliso Sonja Nientiet oo bartamaha sannadkan ay koox hubaysan ku afduubatay magaalada Muqdisho, iyadoo ku howllaneyd u adeegidda dadka dhibaateysan.

Guddoomiyaha Gobolka Banaadir Mudane Cabdirixmaan Cumar Cusmaan ayaa uga mahad celiyey dhammaan howlwadeennada arrimaha gargaarka ee ku soo dhiirraday in ay dadka Soomaaliyeed wax u qabtaan xilliyadii adkaa ee dalku soo maray.

Munaasabadda lagu qabtay magaalada Muqdisho ee lagu xusayey Maalinta Caalamiga ah ee Bani’aadaminimada waxaa ka soo qeyb galay Wasiirka Gargaarka iyo Maareynta Musiibooyinka Xukuumadda Federaalka Soomaaliya Mudane Xamsa Saciid Xamsa, Isuduwaha Hawlaha Bani’aadamnimada Qaramada Midoobey Mudane Peter de Clercq, Madaxa Hay’adda Qaxootiga Adduunka ee Soomaaliya Marwo Caroline Van Buren, saraakiil ka tirsan Hay’adaha Qaramada Midoobey, Dawladda Federaalka Soomaaliya iyo Maamulka Gobolka Banaadir.

Continue Reading

Warar

Daawo: Puntland oo Wacad ku martay in Tukaraq ay dagaal Culus kula wareegeyso

Published

on

Continue Reading

Warar

Ra’iisul Wasaare Khayre Oo La Kulmay Hay’adaha Garoorka, Cadaaladda Laamaha Amniga

Published

on

Ra’iisul Wasaaraha xukuummadda Federaalka Soomaaliya mudane Xasan Cali Khayre ayaa xarunta taliska booliiska Soomaaliyeed kula shiray wasiirka amniga, dhammaan hay’adaha garsoorka, guddoomiyaha maxkamadda sare, xeer ilaalinta, garyaqaanka, guddoomiyaha gobalka Banaadir, taliyaha ciidanka Asluubta iyo dhammaan taliyaasha cadaaladda iyo garsoorka, taliyaha booliiska Soomaaliyeed iyo taliyaha booliiska gobalka Banaadir.

Shirkaan oo billaaw u ah kulamo bille ah oo looga hadlayo garsoorka iyo cadaallada ayaa muhiimmaddiisa ugu wayn waxa ay ahayd in laga wada tashado xallinta cabashooyin cadaaladeed oo ay qabeen bulshada Soomaaliyeed, horumarinta cadaalladda iyo hannaanka ay wada shaqayn buuxda u yeelan karaan garsoorka, cadaalladda iyo booliiska, si xukun caddaalad ah uu dhoco, si cadaallad ahna loogu fuliyo.

Ra’iisul Wasaaraha xukuummadda Federaalka Soomaaliya ayaa hay’adaha garsoorka, caddaaladda iyo taliska booliiska ku dhiirri geliyay in ay qabtaan shaqo saxan, hufan, daacad ah daah furan si loo soo celiyo kalsoonida iyo aaminaadda shacabka Soomaaliyeed ay ku qabaneen dawladooda.

Taliyaha booliiska Soomaaliyeed S/gaas Bashiir Cabdi Maxamed (Ameeriko) oo natiijada shirka ka war bixiyay ayaa sheegay in shirarka soo socda lagu soo bandhigi doono horummarrada caddaaladeed ee laga gaaray qodobada kulankii maanta la iskula gartay iyo caqabadaha jira si xal looga gaaro oo looga dhabeeyo Barnaamijka dawladda oo ah in bulshada Soomaaliyeed ay helaan hannaan caddaaladeed loo simanyahay.

Continue Reading

Wararkii ugu dambeeyay

%d bloggers like this: