Warar

Shirka Golaha wadatashiga doorashooyinka oo Maanta furmaya

Maanta oo Axad ah ayaa waxaa la filayaa in magaalada Muqdisho ay kulan ku yeeshaan Golaha wadatashiga doorashooyinka oo ka kooban Ra’iisul Wasaare Rooble, Madaxda Shanta dowlad Goboleed & Gudoomiyaha Gobolka Banaadir.

Sabtidii shalay ayaa qorshuhu ahaa in uu shirkaasi furmo balse sababo la xiriira Madaxda dowlad Goboleedyada oo Muqdisho ka maqnaa uu u baaqday, hayeeshee waxaa haatan ku sugan Muqdisho Madaxweynayaasha maamulada, Galmudug, Koonfur Galbeed, Jubbaland & Puntland halka uu maqan yahay Madaxweynaha Hir-Shabeelle.

Shirka oo uu guddoomin doono Ra’iisul Wasaaraha Xukuumadda xilgaarsiinta Maxamed Xuseen Rooble ayaa looga hadli doonaa arrimaha doorashooyinka, howlihii ka qabsoomay tan iyo heshiiskii 27-kii May iyo caqabadaha la gudboon heshiiskii doorasho.

Warar kal hore soo baxayay ayaa sheegayay in Madaxda dowlad Goboleedyada qaarkood ay doonayaan in dib u eegis lagu sameeyo heshiiskii doorasho, iyaga oo doonaya in Goobaha doorashoyinka lagu qabanayo inay noqoto Maamul kasta hal Goob, si uu u yaraado culeys farabadan oo ay la kulmi lahaayeen.

Related Posts

Leave a Reply

Your email address will not be published. Required fields are marked *

%d bloggers like this: