Muddo 10 Sanno ah oo ay degenaayeen Saldhigna u aheyd Ciidamada Amisom ayey Bilaabeen in ay ka guuraan Garoonka Muqdisho Stadium.
Ciidamada ayaa bilaabaya in ay garoonka ka baxaan saacadihii u dambeeyay waxaana taasi ay qeyb ka tahay qorshaha dowladda ay ku dooneyso in dib u dhis loogu sameeyo garoonka si dhalinyarada uga faa’iideystaan.
Ergeyga gaarka ah ee Midowga Afrika u jooga Soomaaliya Amb, Francisco Madeira, ayaa qoraal uu soo dhigay bartiisa Twitter-ka, ku sheegay inuu ammaanayo qorshaha lagu banneynayo Garoonka, isagoo sheegay inay ku faraxsan yihiin in uu dib ugu laabto Gacanta Soomaaliyeed.
Garoonka Muqdisho oo la dhisay Sanadkii 1978-dii ayaa waxaa uu leeyahay qeyb kubadda cagta ah,Kolayga ,Dabaasha iyo Orodka.
