WARAR

Shirkii Afisiyooni oo Maanta dib u bilaabanayo & qodobada looga hadlayo

Maanta ayaa waxaa lagu wadaa in Xarunta teendhada Afisiyooni ee Magaalada Muqdisho uu markale ka bilaawdo shirka u dhaxeeya madaxweynaha muddo xileedkiisa uu dhamaaday ee Maxamed Cabdullaahi Farmaajo, RW Xukuumadda xilgaarsiinta, Madaxda dowladda & dowlad Goboleedyada iyo Guddoomiyaha Gobolka Banaadir.

Shirka oo Sabtidii todobaadkaan  ka bilaawday Teendhada Afisiyooni ayaa slaba maalin hakad uu galay, waxaana Maanta Madaxda ay ka doodi doonaan Ajandaha uu ku furmi karo shirweynaha wada-tashiga doorashooyinka iyo cidda ka qeyb galeysa.

Shalay ayaa qorsuhu ahaa in uu shirka dib u bilawdo, hayeeshee uu baaqday sababo la xiriira Madaxweynaha Galmudug Axmed Cabdi Kaariye oo safar ugu maqnaa Magalada Dhuusamareeb, balse shalay gelinkii dambe uu dib ugu soo laabtay Muqdisho.

Dowladda Soomaaliya iyo Wakiilada Beesha Caalamka ayaa rajo wanaagsan ka muujiyay in heshiis lagu garao shirarka looga hadlayo Arrimaha doorashooyinka si loo qabto doorasho loo dhan yahay.

Wakiilada Beesha Caalamka ayaa isha waxaa ay ku hayaan shirka teendhada Afisiyooni, iyaga oo Madaxda ku cadaadinaya inay gaaraan heshiis sahli kara in uu ku furmo Shirweynaha wadatashiga doorashooyinka.

Related Posts

Leave a Reply

Your email address will not be published. Required fields are marked *

%d bloggers like this: